台北豬肉紙

近排好忙, 好耐冇update個blog~ hehe

早一排見到香港有得賣這一款食品.

係So Far So Good有介紹過, 叫做豬肉紙.

每一片都好簿, 好易碎呢.

不過真係好好味, 會一開就停唔到口呢.

盛惠$120...

梵諦岡: 聖彼得大教堂

這幾張相好想同大家分享呢～
在梵諦岡聖彼得大教堂前映的，正當我們準備離開之際。
我抬頭望上天空，忽然呆於眼前境象。。。

這一列相片沒有做任何手腳的，你留唔留意到有什麼特別呢？

沒錯，眼利的你可能會見到喇！

正正就是兩架飛機先後在廣場上空飛過。

在我們望向天空的角度，剛剛好劃破長空形成一個天上的十字架。

（留意下圖右上角）

天空的十字架和地面塔頂的十字架亙相緊扣。

心中不期然有點點的感動，希望和有緣的你分享～

唔知當時有沒有其他人留意到呢。

恐怖醫學！！！

係一個日本制作的電視節目，用一些真實例子去提出一的大家都忽略的身體警告。
再找醫生做專業分析，好ＰＲＯ～

剛睇完今個星期的恐怖醫學，今次講忽視牙肉流血，有牙周病唔理，可以有好嚴重既後果。
日本人有超過七成人有牙周病，唔知香港又如何呢。

嚴重會引發血管阻塞，心臟病發，也同糖尿病有互相影響。
要多加注意自己牙齒既健康呢。

不銹鋼肥皂

係瑞士買了一個不銹鋼肥皂，香港應該都有得賣。
話用佢來洗野可以清除異味。

我親自試過真係得呢！
只要一邊沖水，一邊擦手，真係可以去除大部份異味呢。
好神奇呀！不過當然係冇消毒作用啦～

歐洲十日之旅

好開心, 終於可以去歐洲玩喇.
一次過去了十日, 穿州過省, 坐長途飛機其實都幾辛苦.
但係都值得一去, 風景靚絕, 但係用歐羅好貴啦....

映了太多相喇, 不能逐張放, 可以去這一條link睇下~

http://picasaweb.google.com.hk/chui.patrick/

遲D先再同大家分享一的得意事啦~

難忘的中秋

中秋節去了錦上路的"勁嘆"燒烤場BBQ, 我地全部都未去過呢.
即管去試一試新野啦~

個BBQ場都好新, 聽講剛剛開左唔係好耐.

食物質素唔錯呢, 味道幾好, 起碼唔會得的雪藏味.

你睇下條秋刀魚幾大條, 燒幾條都抵番曬啦~

仲有, 留意一下的麵包, 嘩...真係好厚!!

食一塊就好似食左三塊普通麵包, 超滿足呢.

一齊 BBQ 既 BB, 好 kawaii 呢.


中秋當然唔少得燈籠, 呢一條金魚燈籠真係勁大...唔知點攪.

太重了, 唯有插係度算吧....

回程時, 我們坐既的士比一架私家車撞倒, 個車尾爛得幾勁.

幸好不是撞正車門位, 真係不幸中之大幸!!!

私家車車頭都爛左, 唉...今個中秋認真難忘喇!

繼1:1 高達之後...

1:1 鐵人28號會出現於神户市若松公園內~
十月四號會開幕呢, 日本人真係好勁!

有興趣可以去呢個website:
http://www.kobe-tetsujin.com/monument.html

PSP Go~

PSP 出新產品了, 明天十一國慶開售.
計時差香港係全世界第一個發售的地方, 應該會大排長龍呢.
不過今次佢創新到唔使入UMD玩, 唔知方唔方便呢...咁的舊game點算...

Gundam VS Gundam Next Plus

今年係高達30週年, 會於PSP出一個新game~
個Game叫做 "Gundam VS Gundam Next Plus"
有好多從來未係PSP出現過既新機體, 好期待呢.

竟然連Unicorn Gundam, Wing Gundam Zero都有!
正等待十二月頭出, 必玩呢~

Final Destination 4

我去了睇The Final Destination 4, 今次係3D 電影.

入場時每人派一副立體眼鏡, (當然要還啦)~

全套戲都戴住呢.

不過套戲真係好恐怖...

的人死個個樣都好立體, 直情有變態的感覺.

睇完真係有少少不安, 明乎其實係一套驚嚇三級片...

少的膽量都係唔好睇喇...

Dinner at "Zig Zag"

去了一間新開不久的餐廳, 係出曬名既西環碼頭隔離.
間餐廳叫做Zig Zag, 中文係"食晒"~ 好攪笑呢.
係一間好細的餐廳, 主要食pizza.


餐廳內全部係高枱高櫈, 唔會比街外睇住你食乜呢.




每張枱都有精美枱燈裝飾, 好靚.


這一味田園沙律好好味, 食得出材料好新鮮.
菜切得仔細, 方便一口就食到, 唔使再切呢. 好細心~


Pizza可以選兩個味, 唔使全個都係一個味咁單調.
最後我們選了番茄芝士拼吞拿魚洋蔥, 幾好味.
還有烤豉油雞翼, 簡單既菜式都可以好好味呢.

Habitu Ristorante The Pier

星期五晚和朋友去了海運大廈的Habitu 食晚飯.
係一間食意大利菜的餐廳, 望向中環維港境色, 環境確實一流既.

我們叫了幾樣菜, 都幾有特色, 不過我就覺得貴左一的.
如果只係講食物既味道, 質素, 份量, 都唔值這個價錢.
相信短期內都唔會再去了...

巴馬火腿沙律: 火腿好味, 沙律沒有dressing, 太乾了

黑松露菌芝士pizza: 這個好味, 好香, 不過味道唔夠豐富.

意大利飯: 好味, 有芝士香味, 同意大利飯好夾呢.

墨汁pasta: 這個最難食, 完全唔係pasta, 似年糕多的...一餅野咁, 真係食到打冷震啦.

新飲料~

在超市發現的烏龍茶, 外型同道地既一模一樣.
不過佢係Suntory出品既, 好似日本野.
但係Made in PRC...不過味道同道地既有小小唔同.
茶味比較濃少少呢.


係公司的汽水機內有一的細樽板的飲品, 好得意架.
只係賣$3, 都幾好喎. 唔使次次都飲咁大樽.
過一下口癮都幾開心...哈哈~

愛爾蘭瘋薯

一直都好想去，今次唔理得天氣熱＋熱氣喇，一於去試下。
一食之下就覺得。。。唔～真係好好味。
尤其係佢即叫即整，熱辣辣，再淋上醬汁，好食到唔停得口呢！






今次叫了原味芝士＋芥辣蜜糖瘋味，正～
下次再試其他味先！

怪物小王子

和太太的姨甥仔食晚飯，佢真係好得意。
仲係好ＢＢ咁呢。不過我發現佢個樣好似一個很久以前的卡通人物。。。
怪物小王子～　你話似唔似先？

就係呢套怪物小王子卡通片，如果太後生就應該未睇過啦～哈哈

Spaghetti House

已經很久沒有去 Spaghetti House 了.
等位的時候還有汽水, 熱呼呼的蒜蓉包招呼呢.


蘇皮鮑魚湯, Pizza & 田螺都好好味呢!

Lunch with Iris

難得 Iris 返香港, 我們一班同事同佢一齊食晏.
之後在公司一齊映下相留念, 唔知幾時先再見到佢了.
Take Care~

左起: Daniel, Venice, Kwan, Alex, Me, Iris, Kelvin

日本美女布甸

妹妹去日本旅行, 買了這個手信給我, 多謝曬!
唔係新既出品, 不過買回家食都係第一次呢...

其實係一對美女大胸布甸~

一打開既時候真係好攪笑, 好佩服日本人既無限創意呢!

仲未捨得開來食, 不過多數都係好睇唔好食架喇, 哈哈~