Farewell with CW

同事CW將會離開PB, 最後今個星期留係新加坡, 所以我地一齊同佢farewell.
去了Ang Mo Kio的海鮮螃蟹王大"刷"一餐.

合照留念~
後排: KK, Kenneth, Way, Andrew, Ben, Jimmy
前排: Heyson, CW (主角), 我

這個蒸魚我都係第一次食, 肉質都好嫰滑喎~

除左胡椒蟹, 我地仲叫左好多餸, 有花膠鵝掌, 椒鹽排骨, 炒通菜, 蔥爆田雞, 蟹粉煲, 豆腐... 超飽呢.

原來 Ion Orchard 門口個個係...

Ion Orchard門口個雕塑原來係Nutmeg, 即荳蔻.
荳蔻樹果實中間的果核, 就係經常用來煮餸, 配咖啡等, 有獨特既香味.
荳蔻油都係由這個果核提煉呢, 真係唔講唔知呢.

ION 開幕了!

係Orchard Road有新商場開張了, 叫做 ION.
正正就係Orchard MRT 出口, 勁方便.
一行出來就比大廈既外型吸引住了.

整坐商場既外型就是波浪既結構, 再加上一個有立體感的天蓬, 好靚~

再睇一睇MRT的出口, 就好似入左一個時光隧道一樣.

好科幻, 但係同個商場好襯, 幾欣賞呢.

淨係睇呢個設計, 都係一個景點啦!

我覺得新加坡人都幾接受新Design喎.

香港地鐵的設計真係要檢討一下啦, 個個出口都一樣, 冇D創意, 悶死人.

係我身後面呢一個雕塑都好特別, 我覺得佢似一個切開左一半的無花果, 你又覺得似什麼呢?

Bedok 游泳池

我地住既apartment 樓下都有泳池, 不過實在太細喇, 幾步就游完, 好無聊.
所以今日專程坐車去Bedok的公衆游泳池試一試.
比我想像中好喎, 如果更衣室有埋熱水就更perfect喇~

游泳池正門, 唔係好特別, 普普通通啦.


















門口的售票機, 好得意.
成人入場只係需要S$1.3, 可以游足一日, 真係好抵呢!
就算唔游, 入去曬下太陽都可以, 哈哈.


















入面一共有4個泳池:
比賽池, 教學池, 淺水池, 學習池.

下圖係比賽池, 係全部泳池最深既一個.
不過都唔係好深水, 可以掂到地, 大既1.8m深, 包保唔會浸親呢.

同事Charles結婚請飲

新加坡同事Charles結婚請埋我地一齊去飲.
派請帖比我地之外, 仲請食西餅呢.

樹上水果

係公司對面的熟食中心, 見到樹上長出好大個水果.
唔知係唔係大樹菠籮呢?

不過如果熟左跌落來好危險喎~

機場行李輸送帶

係機場三號客運大樓內有一個地方好特別.
將其中一條行李輸送帶裝飾為新加坡的著名景點.
有動物園, 魔天輪, Esplanade, Cable car, 聖淘沙等等.
我覺得整得好靚, 好有創意呢.

唔使咁死板板, 等行李都等得開心好多啦!
香港機場都可以諗諗佢喎~

Harry Potter - The Half Blood Prince

一套好期待的電影, 不過睇完有少少失望.
除了加入一些好笑愛情元素之外, 我覺得個套戲有好多野都冇交代.

什麼是Half Blood Prince? 一出場三個魔法巫師係邊個? 發誓有什麼用?
點解校長咁易比人一打就死?

全部都冇講, 係唔係expect你睇曬本書同個結局先入場?
就算係留番下一集先講都應該解釋多少少先啦...

板長壽司~ Oishii

今次返香港走左去食板長壽司, 真係好味.
始終都係一樣咁多人排隊.
保持一貫的水準, 海膽, 三文魚子, 甜蝦, 劍魚等等都好新鮮呢, 正~

不過有時的order比較亂, 唔知有冇落單, 如果可以有張單比人睇就更好啦.

大家樂早餐

好耐冇去過大家樂食早餐, 好好味呀!!
有奶茶, 多士, 火腿蛋, 再加一個番茄通粉, 超豐富~

始終都唔係好食得慣新加坡的傳統早餐呢.

章宜機場墨水筆

在機場候機室內忽然有機場人員走來問我覺得機場算唔算Excellent.
再叫我做幫他們做一份機場服務問卷調查.

就這樣送了一支好精美的墨水筆比我, 好靚呢.
多謝曬~

土司工坊

在機場內見到"土司工坊", 咁耐都未去過, 所以去試下.
我叫了一個多士, 有豬肉鬚係面, 再加一杯半生熟蛋.
吐司好厚, 又即叫即整, 熱呼呼的, 都幾好味呢~

文丹島渡假 (2)

離開了新加坡既管轄範圍, 去了印尼做一個Riverside Spa.
不過好多蚊, 我們勁搽蚊怕水, 蚊怕膏都冇用.
做完Spa比的蚊針到變豬頭.

這是我們的印尼午餐, 睇下個超級椰青, 大個個菠籮幾倍呀!

再坐小艇遊紅樹林...不過實在太多蚊, 冇心機欣賞.
但係隻小狗好鐘意倍住我地呢~

去了文丹島西面一個好似未開發的沙灘, 水清沙幼, 椰林樹影.

係沙灘上行好舒服, 海風清爽涼快~

淡水由紅樹林流出, 由於係鹹淡水交界, 所以會見到有唔同色既海水呢~

我真係第一次見, 景色好靚, 唔捨得走呀!

文丹島渡假 (1)

放假去印尼文丹島玩, 其實有小小似香港去澳門一樣.
不過就要早一個鐘頭去Check in先~

坐去文丹島的船, 都幾新喎~

我們入住的Resort, 好有熱帶風情.

不過不失啦, 有小小舊, 我都係覺得泰國既酒店靚的, 乾淨的.

酒店的泳池都幾好, 可以係度hea足大半天呢~

泳池再行出幾步已經係沙灘了, 可以游完海水再入返去游淡水...哈哈.

沙灘既沙都幾細滑, 起碼好過聖淘沙啦.